വെട്ടത്തൂര്‍: പഞ്ചായത്തിന്റെയും പെരിന്തല്‍മണ്ണ ബി.ആര്‍.സിയുടെയും സംയുക്താഭിമുഖ്യത്തില്‍ പഞ്ചായത്ത് പരിധിയിലെ അംഗപരിമിതര്‍ക്കായി സംഘടിപ്പിച്ച ഗ്രാമസഭയും കലോത്സവവും കാപ്പ് ഗവ.ഹൈസ്‌കൂളില്‍ സൂരജ് തേലക്കാട് ഉദ്ഘാടനം ചെയ്തു.
പഞ്ചായത്ത് പ്രസിഡനന്റ് അന്നമ്മ വള്ളിയാംതടത്തില്‍ അധ്യക്ഷയായി.
മേലാറ്റൂര്‍ എ.ഇ.ഒ പി. രാംദാസ്, കെ. ബദറുന്നീസ, പഞ്ചായത്ത് വൈസ് പ്രസിഡന്റ് ഹംസക്കുട്ടി, സ്ഥിരംസമിതി അംഗംങ്ങളായ കെ. റഫീഖ ബഷീര്‍, ഹരീഷ് ബാബു, മറ്റു പഞ്ചായത്തംഗങ്ങള്‍, ഐ.സി.ഡി.എസ് സൂപ്പര്‍ വൈസര്‍ ഉമ്മുസല്‍മ സംസാരിച്ചു. 93 കുട്ടികള്‍ വിവിധ കലാപരിപാടികള്‍ അവതരിപ്പിച്ചു.
അംഗപരിമിതര്‍ക്കായി സംഘടിപ്പിച്ച പരിപാടിയുടെ സമാപനയോഗത്തില്‍ പെരിന്തല്‍മണ്ണ ബി.പി.ഒ സി.വി ശ്രീജ, ബി.ആര്‍.സി പ്രതിനിധി ഷഫീഖ്, പഞ്ചായത്ത് ആസൂത്രണ സമിതി ചെയര്‍മാന്‍ സി.എം മുസ്തഫ എന്നിവര്‍ സമ്മാനങ്ങള്‍ വിതരണം ചെയ്തു.