ശ്രീനഗര്‍: കശ്മീരില്‍ സംഘര്‍ഷത്തെതുടര്‍ന്ന് സുരക്ഷാ സേന നടത്തിയ വെടിവെപ്പില്‍ വിദ്യാര്‍ഥിയടക്കം മൂന്ന് പേര്‍ കൊല്ലപ്പെട്ടു. മുന്നൂറോളം പേര്‍ക്ക് പരുക്കേറ്റു.

29 ദിവസമായി കര്‍ഫ്യൂ തുടരുന്ന ചെനാബ് താഴ്‌വരയിലും പിര്‍ പഞ്ചാല്‍ പ്രവിശ്യയിലുമാണ് പ്രതിഷേധക്കാരും സൈന്യവും ഏറ്റുമുട്ടിയത്.

അവസാന നാല് ആഴ്ച്ചയ്ക്കുള്ളില്‍ താഴ്‌വരയില്‍ പ്രതിഷേധത്തിനിടെ മരിച്ചവരുടെ എണ്ണം 55 ആയി. 3000 ത്തോളം പേര്‍ക്ക് പരുക്കേറ്റു. 100ഓളം പേര്‍ക്ക് പെല്ലറ്റ് ആക്രമണത്തിനിടെ കാഴ്ച്ച നഷ്ടപ്പെട്ടു.