മാനന്തവാടി: പെരുവയില്‍ മദ്യവില്‍പ്പന ശാല ആരംഭിക്കുന്നതിനെതിരേ നടക്കുന്ന രാപ്പകല്‍ സമരത്തിന്റെ ഭാഗമായി സംയുക്ത സമരസമിതിയുടെ നേതൃത്വത്തില്‍ പ്രതിഷേധ പ്രകടനം നടത്തി.
 ഹര്‍ത്താലുള്‍പ്പെടെയുള്ള പ്രക്ഷോഭ പരിപാടികള്‍ സംഘടിപ്പിച്ചിട്ടും പ്രശ്‌നത്തില്‍ വ്യക്തമായ തീരുമാനങ്ങള്‍ ഉണ്ടാവുകയോ എം.എല്‍.എ ഉള്‍പ്പെടെയുള്ളവര്‍ ഇടപെടുകയോ ചെയ്യാത്തതില്‍ പ്രതിഷേധിച്ചായിരുന്നു പ്രകടനം. കുട്ടികളും സ്ത്രീകളും ഉള്‍പ്പെടെ നുറുകണക്കിന് ആളുകള്‍ പങ്കെടുത്തു. പെരുവകയിലെ രാപ്പകല്‍ സമരപന്തലില്‍ നിന്നാരംഭിച്ച പ്രതിഷേധ പ്രകടനം മാനന്തവാടി നഗരം ചുറ്റി സമരപന്തലില്‍ സമാപിച്ചു.
എം.പി ശശികുമാര്‍, ക്ലീറ്റസ് കിഴക്കേമണ്ണൂര്‍, സ്റ്റെര്‍വിന്‍ സ്റ്റാനി, ഗ്ലാഡിസ് ചെറിയാന്‍, ജില്‍സന്‍ തൂപ്പുംകര, ജേക്കബ് സെബാസ്റ്റ്യന്‍, അജിത് ലാല്‍, ലെനീഷന്‍, ലിസ്സന്‍ കമ്മന, ജോസ് കമ്മന എന്നിവര്‍ പ്രകടനത്തിന് നേതൃത്വം നല്‍കി.