തിരുവനന്തപുരം: പട്ടാപ്പകല്‍ ഓട്ടോറിക്ഷയില്‍ കറങ്ങിനടന്ന് മാലമോഷ്ടിക്കുന്നയാളെ തമ്പാനൂര്‍ എസ്.ഐ വി.എം ശ്രീകുമാറും സംഘവും പിടികൂടി.
കല്ലിയൂര്‍ പുന്നമൂട് സ്വദേശി ഷാജി മാത്യു (38) ആണ് പിടിയിലായത്. തമ്പാനൂര്‍ എസ്.എസ് കോവില്‍ റോഡില്‍ പെട്ടിക്കട നടത്തിവരുന്ന വിക്രമന്‍ നായരുടെ കഴുത്തില്‍ക്കിടന്ന ഒന്നരപ്പവന്റെ സ്വര്‍ണമാല അപഹരിച്ച സംഭവത്തിലാണ് ഇയാള്‍ കസ്റ്റഡിയിലായത്.
ഇയാള്‍ക്കെതിരേ വേറെയും കേസുകളുള്ളതായി പൊലിസ് പറഞ്ഞു. അറസ്റ്റിലായ പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.