മലപ്പുറം: ജനങ്ങളുടെ ആശങ്കകള്‍, പരാതികള്‍, ആവലാതികള്‍ എന്നിവ കൃത്യമായി പരിഹരിച്ചു മാത്രമേ നിര്‍ദിഷ്ട ഗെയില്‍ പദ്ധതിയുടെ സര്‍വേ നടത്തൂവെന്ന് സബ് കലക്ടര്‍ ജാഫര്‍ മാലിക്. പദ്ധതി കടന്നുപോകുന്ന മേല്‍മുറി വില്ലേജിലെ ഭൂവുടമകളുടെ ആവശ്യപ്രകാരം മുനിസിപ്പല്‍ ചെയര്‍പേഴ്‌സണ്‍ സി.എച്ച് ജമീല വിളിച്ചുചേര്‍ത്ത യോഗത്തിലാണ് സബ് കലക്ടറും ഗെയിലിന്റെ ഉന്നത ഉദ്യോഗസ്ഥരും വിശദാംശങ്ങള്‍ വ്യക്തമാക്കിയത്.
ഗെയില്‍ പദ്ധതിക്കെതിരേ ചിലര്‍ ഹൈക്കോടതി സ്റ്റേ ഉത്തരവ് പുറപ്പെടുവിച്ചിരിക്കുന്നു എന്ന രീതിയില്‍ വാര്‍ത്ത പ്രചരിപ്പിക്കുന്നതു തെറ്റാണ്. ഗസറ്റില്‍ വിജ്ഞാപനം ചെയ്ത റൂട്ടിലൂടെ മാത്രമേ പൈപ്പ്‌ലൈന്‍ പോകാവൂവെന്നു കോടതി നിര്‍ദേശിച്ചിട്ടുണ്ട്.
ഈ മാനദണ്ഡങ്ങള്‍ പാലിച്ചാണ് പദ്ധതി നടപ്പിലാക്കുന്നതെന്നും ഗെയില്‍ ഉദ്യോഗസ്ഥര്‍ വിശദീകരിച്ചു.