മലപ്പുറം: ഇന്ത്യന്‍ ഫുട്‌ബോള്‍ താരം അനസ് എടത്തൊടികക്ക് ജോര്‍ദാന്‍ സ്റ്റേഡിയത്തില്‍ ഇന്ത്യന്‍ എംബസിയുടെ അഭിനന്ദനം. കഴിഞ്ഞ ദിവസം ജോര്‍ദാന്‍ തലസ്ഥാനമായ അമ്മാനിലെ കിങ് അബ്ദുല്ലാ സ്റ്റേഡിയത്തില്‍ നടന്ന യു.എ.ഇ ഏഷ്യന്‍ കപ്പിന് മുന്നോടിയായുള്ള ഇന്ത്യ-ജോര്‍ദാന്‍ ഫിഫ അഗീകൃത സൗഹൃദ മത്സരത്തിനിടെയാണ് ജോര്‍ദാന്‍ ഇന്ത്യന്‍ എംബസി ഹെഡ് ഓഫ് ചാന്‍സറി മുരുഗ രാജ് ദാമോദരന്‍ ഐ.ഫ്.എസ്, എംബസി അറ്റാഷേ പുനീത് ഗായ് തുടങ്ങിയവരടങ്ങിയ ഉന്നത ഉദ്യോഗസ്ഥ സംഘത്തിന്റെ പ്രത്യേക അഭിനന്ദനം ലഭിച്ചത്.
ഇന്ത്യന്‍ എംബസി ഉദ്യോഗസ്ഥ പ്രമുഖരുടെ സംഘത്തില്‍ കൊണ്ടോട്ടിയില്‍ നീറാട് നിന്നുള്ള കെ.പി രമേശും ഉള്‍പ്പെട്ടിരുന്നു. ഇന്ത്യ മത്സരം ഒന്നിനെതിരേ രണ്ടു ഗോളുകള്‍ക്ക് പരാജയപ്പെട്ടിരുന്നു.