കണ്ണൂര്‍: ജൂണ്‍ 30നുള്ളില്‍ ആധാറുമായി പാന്‍ കാര്‍ഡ് ലിങ്ക് ചെയ്യണമെന്ന സര്‍ക്കാര്‍ നിര്‍ദേശത്തിന്റെ അടിസ്ഥാനത്തില്‍ ജില്ലയിലെ മുഴുവന്‍ അക്ഷയ കേന്ദ്രങ്ങളിലും ഇതിനുള്ള സൗകര്യമൊരുക്കിയതായി ഐ.ടി മിഷന്‍ ജില്ലാ പ്രൊജക്ട് മാനേജര്‍ അറിയിച്ചു. ആധാറില്‍ എന്തെങ്കിലും കൂട്ടിച്ചേര്‍ക്കലുകള്‍ വരുത്താനും സംവിധാനമുണ്ട്. ഐ.ടി മിഷന്‍ അക്ഷയ പ്രൊജക്ടിന്റെ  കീഴില്‍ ജില്ലയില്‍ 220 അക്ഷയ കേന്ദ്രങ്ങളുണ്ട്.
ജില്ലാ ഭരണകൂടവും ജില്ലാ ഇ-ഗവേണന്‍സ് വിഭാഗവും നടപ്പാക്കിയ മാപ് മൈ ഹോം കണ്ണൂര്‍ പദ്ധതിയുടെ ഭാഗമായി ജില്ലയിലെ മുഴുവന്‍ അക്ഷയ കേന്ദ്രങ്ങളും ഗൂഗിള്‍ മാപ്പില്‍ മാപ്പ് ചെയ്തിട്ടുണ്ട്. ഇതില്‍ ജില്ലയിലെ അക്ഷയ കേന്ദ്രങ്ങളുടെ ഫോണ്‍ നമ്പര്‍, ലൊക്കേഷന്‍ എന്നിവ ലഭ്യമാണ്.