നിലയ്ക്കല്‍: ഞങ്ങളോട് ഇതാണ് പൊലിസിന്റെ നിലപാടെങ്കില്‍ സാധാരണക്കാരായ ഭക്തരോട് എന്തായിരിക്കും പൊലിസിന്റെ നടപടി. ഞങ്ങള്‍ ഇവിടെ അക്രമമുണ്ടാക്കാനാണോ വന്നത്. ഞങ്ങള്‍ ഇവിടെ കലാപമുണ്ടാക്കാനാണോ വന്നത്. പൊലിസിന്റെ ധാര്‍ഷ്ട്യം കാരണമാണ് ഞങ്ങള്‍ക്കിവിടെ കുത്തിയിരുന്നത് പ്രതിഷേധിക്കേണ്ടി വന്നത്.

ജനപ്രതിനിധികളെയും നേതാക്കളെയും കടത്തിവിടില്ലെന്നാണ് പൊലിസ് ആദ്യം പറഞ്ഞത്. എന്തിനു വേണ്ടിയാണ് ഞങ്ങളെ തടഞ്ഞുനിര്‍ത്തിയത്. ആര്‍.എസ്.എസിനും ബി.ജെ.പിക്കും ആളെ കൂട്ടിക്കൊടുക്കുന്ന ജോലി പിണറായി വിജയന്‍ അവസാനിപ്പിക്കണമെന്നും ചെന്നിത്തല പറഞ്ഞു.

ശബരിമലയിലേക്കു പുറപ്പെട്ട യു.ഡി.എഫ് സംഘത്തെ നിലയ്ക്കലില്‍ പൊലിസ് തടഞ്ഞതോടെയാണ് നേതാക്കള്‍ കുത്തിയിരുന്ന് പ്രതിഷേധിച്ചത്. തുടര്‍ന്ന് ഇവരെ കടത്തിവിടാന്‍ പൊലിസ് തയ്യാറാവുകയായിരുന്നു.