എരുമേലി:ശബരിമലയിലേക്ക് തിരിച്ച 110 അംഗ തീര്‍ഥാടകസംഘം ദര്‍ശനം നടത്താതെ മടങ്ങി. മുംബൈയില്‍ നിന്ന് എത്തിയ സംഘമാണ് എരുമേലിയില്‍ വെച്ച് യാത്ര ഉപേക്ഷിച്ചത്. ശബരിമലയിലെ സംഘര്‍ഷാവസ്ഥ കണക്കിലെടുത്താണ് യാത്ര ഉപേക്ഷിച്ചതെന്ന് തീര്‍ത്ഥാടകര്‍ അറിയിച്ചു.

എരുമേലിയിലുള്ള സംഘം ആര്യന്‍കാവ് ക്ഷേത്രത്തിലേക്ക് പോകാനാണ് തീരുമാനം. 13 കുട്ടികളും 12 മാളികപ്പുറങ്ങളും ഉള്‍പ്പെട്ട സംഘമാണ് ശബരിമല ദര്‍ശിക്കാതെ മടങ്ങിപ്പോകുന്നത്.