കൊച്ചി: കൊച്ചി നഗരസഭാ മേയര്‍ സൗമിനി ജെയിനിനെതിരെ ഹൈബി ഈഡന്‍ എം.പിയുടെ ഒളിയമ്പ്. തന്റെ ഫേസ് ബുക്ക് പേജിലാണ് ഹൈബി മേയര്‍ക്കെതിരെ പരോക്ഷ പരാമര്‍ശവുമായി എത്തിയത്.
തേവര കോളജിലെ പഴയ എസ്.എഫ്.ഐക്കാരിയെന്ന് സംബോധന ചെയ്താണ് ഹൈബിയുടെ പോസ്റ്റ് തുടങ്ങുന്നത്. ഫാസിസം എസ്.എഫ്.ഐയിലേ നടക്കൂ, കോണ്‍ഗ്രസില്‍ നടക്കില്ല എന്നാണ് ഫേസ്ബുക്ക് പോസ്റ്റിലെ വിമര്‍ശനം.
എന്നാല്‍ പോസ്റ്റിട്ട് മണിക്കൂറുകള്‍ കഴിയും മുന്‍പേ ഹൈബി ഈഡന്‍ അത് പിന്‍വലിച്ചു. പോസ്റ്റ് പിന്‍വലിക്കണമെന്ന് കോണ്‍ഗ്രസ് സംസ്ഥാനനേതൃത്വം ഹൈബിയോട് ആവശ്യപ്പെട്ടതിനെത്തുടര്‍ന്നാണ് നടപടിയെന്നാണ് വിവരം.