കല്ലമ്പലം: നഗരൂര്‍ മുണ്ടയില്‍ കോണം മദ്‌റസയില്‍ ഇടിമിന്നലേറ്റ് അഞ്ച് വിദ്യാര്‍ഥികള്‍ക്ക് നിസാര പരുക്കേറ്റു. കഴിഞ്ഞ ദിവസം വൈകിട്ട് അഞ്ചോടെയാണ് സംഭവം. നഗരൂര്‍ തേക്കിന്‍കാട് ഉമര്‍ മന്‍സിലില്‍ നാസ്‌നിനെ (13) തിരുവനന്തപുരം മെഡിക്കല്‍കോളജ് ആശുപത്രിയിലും നഗരൂര്‍ മുണ്ടയില്‍കോണം വിളയില്‍ വീട്ടില്‍ ഷഹ്ബാനത്തിന്റെ മകള്‍ നൗമിന്‍ ഷായെ (12)എസ്.എ.ടി ആശുപത്രിയിലും പ്രവേശിപ്പിച്ചു.
കേശവപുരം കമ്യൂനിറ്റി ഹെല്‍ത്ത് സെന്ററില്‍ പ്രവേശിപ്പിച്ച മറ്റ് മൂന്ന് കുട്ടികളെ പ്രാഥമിക ചികിത്സ നല്‍കി വിട്ടയച്ചു. മദ്‌റസയില്‍ പഠനം നടക്കവേയാണ് വൈകിട്ട് മഴക്കൊപ്പം ശക്തമായ ഇടിമിന്നലുണ്ടായത്.