ഗൂഡല്ലൂര്‍: കോത്തഗിരി താലൂക്കിലെ കുഞ്ചപ്പന വനമേഖലയില്‍ പിടിയാനയെ ചരിഞ്ഞ നിലയില്‍ കണ്ടെത്തി. കുഞ്ചപ്പന വന മേഖലയിലെ കോഴിക്കര ഗ്രാമത്തിന്നടുത്താണ് 20 വയസു പ്രായം തോന്നിക്കുന്ന പിടിയാന ചരിഞ്ഞത്.
വനത്തില്‍ റോന്തു ചുറ്റുകയായിരുന്ന വനപാലകരാണ് ആനയുടെ ജഡം കണ്ടത്. തുടര്‍ന്ന് കോത്തഗിരി റെയ്ഞ്ചര്‍ ശ്രീനിവാസന്റെ നേതൃത്വത്തില്‍ വനം വകുപ്പു ഉദ്യോഗസ്ഥര്‍ സ്ഥലത്തെത്തി ആനയെ പരിശോധിച്ചു.
ആനയുടെ ആന്തരികാവയവങ്ങള്‍ പരിശോധനക്കയച്ചു.