മണ്ണാര്‍ക്കാട്: സമസ്ത കേരള ജംഇയ്യത്തുല്‍ ഉലമയുടെ പുതിയ പ്രസിഡന്റായി തിരഞ്ഞെടുത്ത  എ.പി മുഹമ്മദ് മുസ്‌ലിയാര്‍ക്കുളള സ്വീകരണവും, ചങ്ങലീരി വളളുവമ്പുഴയില്‍ പുതുതായി തുടങ്ങിയ ദര്‍സിന്റെ ഉദ്ഘാടനവും സമസ്ത കേരള ജംഇയ്യത്തുല്‍ മുഅല്ലിമീന്‍ സംസ്ഥാന പ്രസിഡന്റ് സി.കെ.എം സാദിഖ് മുസ്‌ലിയാര്‍ നിര്‍വ്വഹിച്ചു.
എ.പി മുഹമ്മദ് മുസ്‌ലിയാര്‍ പ്രാര്‍ഥനക്ക് നേതൃത്വം നല്‍കി. അശ്‌റഫ് ഫൈസി, സി. മുഹമ്മദാലി ഫൈസി, കെ.ടി ഹുസൈന്‍ ദാരിമി, എ.അബ്ബാസ് ദാരിമി, മൊയ്തീന്‍ കുട്ടി ദാരിമി, പി. ശംസുദ്ദീന്‍ ഫൈസി, മുഹമ്മദ് ഷാഫി ഫൈസി സംബന്ധിച്ചു. മഹല്ല് സെക്രട്ടറി യു.കെ ഖാദര്‍ സ്വാഗതവും, കെ. സുഹൈര്‍ നന്ദിയും പറഞ്ഞു.