തിരുവനന്തപുരം: സ്വാശ്രയ മെഡിക്കല്‍ കോളജുകളിലെ എംബിബിഎസ് കോഴ്‌സിലേക്കുള്ള ഫീസ് ഘടന നിശ്ചയിച്ചു. 85 ശതമാനം സീറ്റില്‍ അഞ്ചര ലക്ഷം രൂപയും എന്‍ആര്‍ഐ സീറ്റില്‍ 20 ലക്ഷം രൂപയുമാണ് ഫീസ്. ഫീസ് നിര്‍ണയ സമിതിയുടേതാണ് തീരുമാനം.

85 ശതമാനം സീറ്റില്‍ 10 ലക്ഷം മുതല്‍ 15 ലക്ഷം വരെ അനുവദിക്കണമെന്ന മാനേജ്‌മെന്‌റുകളുടെ ആവശ്യം സമിതി തള്ളി.

എന്നാല്‍ പുതുക്കിയ ഫീസ് അംഗീകരിക്കില്ലെന്നു മാനേജ്‌മെന്റ് പ്രതിനിധികള്‍ വ്യക്തമാക്കി. ഫീസ് നിര്‍ണയത്തിനെതിരേ കോടതിയെ സമീപിക്കുമെന്നും അവര്‍ വ്യക്തമാക്കി.