മലപ്പുറം: കേരളത്തില്‍ നിന്നുള്ള ഈ വര്‍ഷത്തെ ആദ്യ ഹജ്ജ് സംഘമായ അല്‍ഹിന്ദ് ഹജ്ജ് സംഘം ജിദ്ദയിലേക്ക് യാത്ര പുറപ്പെട്ടു. ഇന്ത്യയില്‍ നിന്നും പുറപ്പെടുന്ന ആദ്യ സ്വകാര്യ ഹജ്ജ് സംഘം കൂടിയാണിത്. മലപ്പുറം സുന്നി  മഹല്‍ ഓഡിറ്റോറിയത്തില്‍ വെച്ച് നടന്ന യാത്രയയപ്പ് ചടങ്ങ് പാണക്കാട് ഹൈദരലി ശിഹാബ് തങ്ങള്‍ ഉദ്ഘാടനം ചെയ്തു. പ്രൊഫ. കെ. ആലിക്കുട്ടി മുസ്‌ലിയാര്‍ പ്രാര്‍ഥനക്ക് നേതൃത്വം നല്‍കി.  അല്‍ഹിന്ദ് ചീഫ് അമീര്‍ മുസ്തഫ ഹുദവി ആക്കോട് ക്ലാസുകള്‍ക്ക് നേതൃത്വം നല്‍കി. പി. ഉബൈദുല്ല  എംഎല്‍എ, ഹാജി. കെ മമ്മദ് ഫൈസി, ലത്തീഫ് ഫൈസി മലപ്പുറം,  എം.പി കടുങ്ങല്ലൂര്‍, നസീം പുളിക്കല്‍, ഫാറൂഖ് കണ്ണൂര്‍, ബാവ ഹാജി വേങ്ങര, ശിഹാബ് മുഹമ്മദ് സാലി, ഹസീബ് പൊന്നാനി, ഫൈസല്‍ ടി. മുഹമ്മദ് ഹാരിസ് തുടങ്ങിയവര്‍ പ്രസംഗിച്ചു. അല്‍ഹിന്ദ് റീജനല്‍ മാനേജര്‍ യാസിര്‍ മുണ്ടോടന്‍ സ്വഗതവും ഷബീര്‍ ബാബു നന്ദിയും പറഞ്ഞു.