കാക്കനാട് : മോട്ടോര്‍ വാഹന നിയമങ്ങള്‍ പാലിക്കാത്ത ഐലന്‍ഡിലേയും നേവല്‍ ബേസിലേയും  കേന്ദ്രീയ വിദ്യാലയങ്ങള്‍ക്ക് വേണ്ടി കരാര്‍ അടിസ്ഥാനത്തില്‍ ഓടുന്ന വാഹനങ്ങള്‍ വാഹന വകുപ്പ് പിടിച്ചെടുത്തു. സുരക്ഷ തീരെയില്ലാതെ സീറ്റുകള്‍ എടുത്തു മാറ്റി പകരം പ്ലാറ്റ്‌ഫോമില്‍ ബെഞ്ചുകളിട്ട് കുട്ടികളെ കുത്തി നിറച്ചു കൊണ്ടുപോയതിനാണ് പിടിവീണത്.
പെര്‍മിറ്റോ, ഫിറ്റ്‌നസ് സര്‍ട്ടിഫിക്കറ്റ്, റോഡ് ടാക്‌സ് തുടങ്ങിയവയൊന്നും ഇല്ലാതെയാണ് ഈ വാഹനങ്ങള്‍  ഓടിയിരുന്നത്. രേഖകള്‍ പരിശോധിക്കാതെ ബസുകള്‍ക്ക് കരാര്‍ കൊടുക്കുന്നതിലൂടെ സ്‌കൂള്‍ അധികൃതരുടെ അനാസ്ഥയാണ് പുറത്തായത്.
എന്‍ഫോഴ്‌സ്‌മെന്‍ഡ് ആര്‍.ടി.ഒ  എം.സുരേഷ്, എറണാകുളം ആര്‍.ടി.ഒ  പി.എച്ച് സാദിഖ് അലി തുടങ്ങിയവരുടെ നിര്‍ദേശപ്രകാരം മട്ടാഞ്ചേരി ജോയിന്റ്റ് ആര്‍ടിഒ ജി.അനന്ത കൃഷ്ണന്റെ മേല്‍ നോട്ടത്തില്‍ എം.വി.ഐ ജി.മനോജ് കുമാര്‍, എ.എം.വി.ഐ റിന്‍ഷിദ് പി.ഇ എന്നിവരാണ് പരിശോധന നടത്തിയത്.