കൊച്ചി: ജില്ലയില്‍ വിവിധ വിഭാഗം റേഷന്‍ കാര്‍ഡുടമകള്‍ക്ക് ആഗസ്റ്റില്‍ വിതരണം ചെയ്യുന്നതിനായി  ഭക്ഷ്യധാന്യങ്ങള്‍പഞ്ചസാര എന്നിവ അനുവദിച്ചതായി ജില്ലാ സപ്ലൈ ഓഫീസര്‍ അറിയിച്ചു.
എ.പി.എല്‍ നോര്‍മല്‍ വിഭാഗത്തില്‍പ്പെട്ട കാര്‍ഡുടമകള്‍ക്ക് കിലോയ്ക്ക് 8.90 രൂപ നിരക്കില്‍ പരമാവധി എട്ടു കിലോ അരിയും 6.70 രൂപ നിരക്കില്‍ പരമാവധി രണ്ടു കി.ഗ്രാം ഗോതമ്പും സ്റ്റോക്കിന്റെ ലഭ്യതക്കനുസരിച്ച് ലഭിക്കും. എ.പി.എല്‍  വിഭാഗത്തില്‍പ്പെട്ട രണ്ടുരൂപ നിരക്കിലുള്ള ഭക്ഷ്യധാന്യ വിതരണ പദ്ധതിയില്‍ ഉള്‍പ്പെട്ടവര്‍ക്ക് എട്ടു കിലോഗ്രാം അരിയും 6.70 രൂപ നിരക്കില്‍ പരമാവധി രണ്ടു കി.ഗ്രാം ഗോതമ്പും സ്റ്റോക്കിന്റെ ലഭ്യതക്കനുസരിച്ച് ലഭിക്കും.
ബി.പി.എല്‍ കാര്‍ഡുടമകള്‍ക്ക്  ഈ മാസം  സ്റ്റോക്കിന്റെ ലഭ്യതക്കനുസരിച്ച് പരമാവധി 25  കി.ഗ്രാം അരി സൗജന്യമായും രണ്ടു രൂപ നിരക്കില്‍ പരമാവധി എട്ടുകി.ഗ്രാം  ഗോതമ്പും ലഭിക്കും. എ.എ.വൈ വിഭാഗത്തില്‍പ്പെട്ടവര്‍ക്ക് 35 കി.ഗ്രാം അരിയും അന്നപൂര്‍ണ്ണ കാര്‍ഡുടമകള്‍ക്ക് 10 കി.ഗ്രാം അരിയും സൗജന്യമായി ലഭിക്കും.കിലോഗ്രാമിന് 13. 50 രൂപ നിരക്കില്‍ ബി.പി.എല്‍ എ.എ.വൈ വിഭാഗത്തിലെ  കാര്‍ഡിലെ  ഓരോ അംഗത്തിനും  400 ഗ്രാം വീതം പഞ്ചസാര  ലഭിക്കും.
എ.പി.എല്‍ വിഭാഗത്തില്‍പ്പെട്ട കാര്‍ഡുടമകള്‍ക്ക് 15 രൂപ നിരക്കില്‍ കാര്‍ഡൊന്നിന് രണ്ടു കിലോ ആട്ട ലഭ്യമാണ്. വൈദ്യുതീകരിക്കാത്ത വീടുകളുള്ള കാര്‍ഡുകള്‍ക്ക് നാലു ലിറ്റര്‍ മണ്ണെണ്ണ വീതവും വൈദ്യുതീകരിച്ച വീടുകളുള്ള കാര്‍ഡുകള്‍ക്ക്  അര ലിറ്റര്‍ മണ്ണെണ്ണ വീതവും ലിറ്ററിന് 17 രൂപ നിരക്കില്‍ ലഭിക്കും.