മണ്ണാര്‍ക്കാട്: സമസ്ത കേരള ജംഇയ്യത്തുല്‍ ഉലമയുടെ പ്രസിഡന്റായിരുന്ന മുഹഖിഖുല്‍ ഉലമാ കുമരംപുത്തൂര്‍ എ.പി മുഹമ്മദ് മുസ്്‌ലിയാരുടെ രണ്ടാം ഉറൂസിന് സമാപനം. സമസ്ത ട്രഷറര്‍ സി.കെ.എം സ്വാദിഖ് മുസ്‌ലിയാരുടെ അധ്യക്ഷതയില്‍ കോഴിക്കോട് ഖാസി പാണക്കാട് സയ്യിദ് നാസിര്‍ അബ്ദുല്‍ ഹയ്യ് ശിഹാബ് തങ്ങള്‍ ഉദ്ഘാടനം ചെയ്തു. സി.പി ബാപ്പു മുസ്‌ലിയാര്‍ പ്രാര്‍ഥന നടത്തി. ഇമ്പിച്ചിക്കോയ തങ്ങള്‍ ലക്കിടി, പി.കെ ഇമ്പിച്ചിക്കോയ തങ്ങള്‍ കൊടക്കാട് സംസാരിച്ചു. സയ്യിദ് ഫഖറുദ്ദീന്‍ തങ്ങള്‍ കണ്ണന്തളി ദിക്‌റ് ദുആ സദസിന് നേതൃത്വം നല്‍കി. അന്‍വര്‍ സ്വാദിഖ് ഫൈസി കാഞ്ഞിരപ്പുഴ സ്വാഗതവും ബിന്‍യാമീന്‍ ഹുദവി നന്ദിയും പറഞ്ഞു. തുടര്‍ന്ന് അന്നദാനവും നടന്നു.