സുല്‍ത്താന്‍ ബത്തേരി: രമേഷ് സന്തോഷ് ചെസ് അക്കാദമി നബിദിനാഘോഷത്തിന്റെ ഭാഗമായി നടത്തിയ സ്വാതന്ത്ര്യസമര സേനാനി കുളങ്ങര കെ. കുമാരന്‍ വൈദ്യര്‍ മെമ്മോറിയല്‍ സീനിയര്‍ കാഷ്‌പ്രൈസ് ചെസ് മത്സരത്തില്‍ ആഷിഷ് അലക്‌സ് ഒന്നാം സ്ഥാനം നേടി. അലക്‌സ് തോമസ്, രൂപേഷ്‌കുമാര്‍, അബ്ദുല്‍ ബഷീര്‍ എന്നിവര്‍ക്കാണ് യഥാക്രമം രണ്ട്, മൂന്ന്, നാല് സ്ഥാനം.കെ.ജി ലീല കുളങ്ങര മെമ്മോറിയല്‍ ജൂനിയര്‍ ചെസ് മത്സരത്തില്‍ എം.എസ് ആബേല്‍ ജേതാവായി. വി.എസ് അഭിനവ്‌രാജ്, ഹരിപ്രിയരാജ്, ആനന്ദ്‌രാജ് എന്നിവര്‍ യഥാക്രമം രണ്ട്, മൂന്ന്, നാല് സ്ഥാനം നേടി. തുടക്കക്കാര്‍ക്കായുള്ള മത്സരത്തില്‍ 50 പേര്‍ പങ്കെടുത്തു.മൂലങ്കാവ് ഗ്രീന്‍ഹില്‍സ് പബ്ലിക് സ്‌കൂല്‍ലെ ആര്‍ ജയദീപ് ഒന്നാം സ്ഥാനം നേടി. എയ്തല്‍ ക്രിസ്റ്റോ, എം.എസ് അനുഷ, ഹരികൃഷ്ണരാജ് എന്നിവര്‍ യഥാക്രമം രണ്ട്, മൂന്ന്, നാല് സ്ഥാനം നേടി. ഹോട്ടല്‍ റീജന്‍സി ഓഡിറ്റോറിയത്തില്‍ ഐ.സി ബാലകൃഷ്ണന്‍ എം.എല്‍.എ ഉദ്ഘാടനം ചെയ്തു.