വണ്ണപ്പുറം: വണ്ണപ്പുറം ടൗണ്‍ മഹല്ല് ജമാഅത്ത് കമ്മിറ്റിയുടെ ആഭിമുഖ്യത്തില്‍ ജില്ലയില്‍ നിന്നും ഈ വര്‍ഷം സര്‍ക്കാര്‍, സ്വകാര്യ ഗ്രൂപ്പുകള്‍ വഴി ഹജ്ജിന് പോകുന്ന ഹാജിമാര്‍ക്ക് യാത്രയയപ്പും പഠന ക്ലാസും ഇന്ന് നടക്കും. ഉച്ചകഴിഞ്ഞ് മൂന്നു മണിക്ക് ടൗണ്‍ ജമാഅത്ത് മദ്‌റസാ ഹാളില്‍ നടക്കുന്ന പഠന ക്ലാസ് തഖ്‌വ മസ്ജിദ് ഇമാം ഹനീഫ് കാശിഫി ഉദ്ഘാടനം ചെയ്യും.
ടൗണ്‍ മസ്ജിദ് ഇമാം മുഹമ്മദ് സ്വാലിഹ് അന്‍വരി ചേകനൂര്‍ ക്ലാസിന് നേതൃത്വം നല്‍കും. ജമാഅത്ത് പ്രസിഡന്റ് കെ.എം പരീത് ഹാജി അധ്യക്ഷത വഹിക്കും. സെക്രട്ടറി ഷമീര്‍ ചക്കാലക്കല്‍ സ്വാഗതമാശംസിക്കും. ഹജ്ജ് കമ്മിറ്റി ജില്ലാ ട്രെയ്‌നര്‍  അബ്ദുറഹ്മാന്‍ പുഴക്കര, പഞ്ചായത്ത് വൈസ് പ്രസിഡന്റ് കെ.എച്ച് അസീസ്, ഷിഹാബുദ്ദീന്‍ വാഫി എന്നിവര്‍ പ്രസംഗിക്കും. ജില്ലയിലെ മുഴുവന്‍ ഹാജിമാരും പഠന ക്ലാസില്‍ പങ്കെടുക്കണമെന്ന് സംഘാടക സമിതി ഭാരവാഹികള്‍ അറിയിച്ചു.