തിരുവനന്തപുരം: ഐ.എം.ജി ഡയറക്ടര്‍ സ്ഥാനം മികച്ചതാണെന്ന് ജേക്കബ് തോമസ്. പരീക്ഷയില്‍ അധികം മാര്‍ക്ക് വാങ്ങി വിജയിക്കുന്നതാണ് സീനിയോററ്ററിയുടെ അടിസ്ഥാനമെന്നും അതില്‍ കാര്യമില്ലെന്നും അദ്ദേഹം പറഞ്ഞു.

ലോക്‌നാഥ് ബെഹ്‌റയെ ഡി.ജി.പി ഡി.ജി.പിയായി നിയമിച്ചുള്ള സര്‍ക്കാര്‍ ഉത്തരവ് പുറത്ത് വന്നതിന് പിന്നാലെയാണ് ജേക്കബ് തോമസിന്റെ പ്രതികരണം. മുഖ്യമന്ത്രിയുമായി നടത്തിയ കൂടിക്കാഴ്ച്ചയ്ക്കു ശേഷം മാധ്യമങ്ങളോട് പ്രതികരിക്കുകയായിരുന്നു അദ്ദേഹം. ഐ.എം.ജി ഡയറക്ടര്‍ എന്നത് മികച്ച സ്ഥാനം തന്നെയാണ്. ഒരുപാട് കാര്യങ്ങള്‍ അതില്‍ ചെയ്യാനുണ്ടെന്നും അദ്ദേഹം പറഞ്ഞു.

നിലവില്‍ വിജിലന്‍സ് ഡയറക്ടറായിരിക്കുന്ന ലോക്‌നാഥ് ബെഹ്‌റയെ ടി.പി സെന്‍കുമാര്‍ വെള്ളിയാഴ്ച വിരമിക്കുന്നതിനെ തുടര്‍ന്നാണ് പൊലിസ് മേധാവിയായി നിയമിച്ചത്.