ന്യൂഡല്‍ഹി: സിഗ്നേച്ചര്‍ പാലത്തിലുണ്ടായ അപകടത്തില്‍ ബൈക്ക് യാത്രക്കാരന്‍ കൊല്ലപ്പെട്ടു. ഗാസിയാബാദ് സ്വദേശിയായ ശങ്കര്‍(24)ആണ് മരിച്ചത്. ഒപ്പമുണ്ടായിരുന്ന സഹോദരനായ 17കാരന്‍ ദീപക്കിന് ഗുരുതരമായി പരുക്കേറ്റിട്ടുണ്ട്. ഇരുവരും സഞ്ചരിച്ചിരുന്ന ബൈക്ക് നിയന്ത്രണം വിട്ട് ഡിവൈഡറില്‍ ഇടിക്കുകയായിരുന്നു.

ഇന്ന് രാവിലെ 8.20 ഓടെയാണ് അപകടം നടന്നത്. ഇരുവരും ഹെല്‍മെറ്റ് ധരിച്ചിരുന്നുവെങ്കിലും ശങ്കറിന് തലയ്ക്ക് ഗുരുതരമായ പരുക്കേറ്റിരുന്നു. ഡിവൈഡറില്‍ ഇടിക്കും മുമ്പ് ശങ്കറിന്റെ ഹെല്‍മെറ്റ് ഊരി തെറിച്ചതായി ദീപക് പൊലിസിനോട് പറഞ്ഞു.

വെള്ളിയാഴ്ച്ച പാലത്തിലുണ്ടായഅപകടത്തില്‍ രണ്ട് മെഡിക്കല്‍ വിദ്യാര്‍ഥികള്‍ മരിച്ചിരുന്നു.

യമുന നദിക്ക് കുറകെ നിര്‍മിച്ച സിഗ്‌നേച്ചര്‍ പാലം നവംബര്‍ നാലിനാണ് വാഹനങ്ങള്‍ക്കായി തുറന്നു കൊടുത്തത്. ഡല്‍ഹിയുടെ വടക്ക് കിഴക്കന്‍ ഭാഗങ്ങളേയും വടക്കന്‍ ഭാഗങ്ങളേയും തലസ്ഥാനവുമായി ബന്ധിപ്പിക്കുന്ന പാലമാണിത്.