വെള്ളറട: നിര്‍ധന കുടുംബാംഗങ്ങളായ വൃദ്ധര്‍ കുടിലില്‍. വീട് വച്ച് നല്‍കില്ലെന്ന് സി.പി.എം ഭരിക്കുന്ന പഞ്ചായത്ത് ഭരണസമിതി. വെള്ളറട പഞ്ചായത്തിലെ കോവില്ലൂര്‍ വാര്‍ഡിലെ ആനപ്പാറ റോഡരികത്ത് വീട്ടില്‍ ശ്രീധരന്‍ (70), പ്രകാശിനി (65) എന്നീ വൃദ്ധരാണ് വീടില്ലാതെ കഴിയുന്നത്. ടാര്‍പോളിന്‍ പൊതിഞ്ഞ കുടിലിലാണ് രോഗികളായ ദമ്പതികള്‍ കിടക്കുന്നത്.
ഇവര്‍ക്ക് കൂലിപ്പണിക്കു പോകാന്‍ കഴിയാത്ത അവസ്ഥയാണ്. ഇരുവര്‍ക്കും നാട്ടുകാര്‍ വാങ്ങിനല്‍കുന്ന മരുന്നും ഭക്ഷണവും കൊണ്ടാണ്  ജീവന്‍ നിലനിര്‍ത്തുന്നത്. വൃദ്ധദമ്പദികള്‍ അനാഥരായിക്കഴിഞ്ഞിട്ടും സി.പി.എം ഭരിക്കുന്ന വെള്ളറട പഞ്ചായത്തും കോവില്ലൂരിലെ വാര്‍ഡ് മെമ്പറും യാതൊരും നടപടിയുമെടുക്കുന്നില്ല എന്നാണ് പരാതി. ഇതിനെതിരേ പ്രതിഷേധം ശക്തമായിട്ടുണ്ട്.