ജമ്മു: റൈസിങ് കാശ്മിര്‍ എഡിറ്റര്‍ ഷുജാത് ബുഖാരിയെ കൊലപ്പെടുത്തിയ കേസില്‍ പ്രതികളെന്നു സംശയിക്കുന്ന കശ്മിര്‍ സ്വദേശികളായ ആറു ഭീകരരെ ഏറ്റുമുട്ടലില്‍ കൊലപ്പെടുത്തി. ആസാദ് അഹമ്മദ് മാലിക്, ഉനൈസ് ഷാഫി, ബാസിത് ഇഷ്തിയാഖ്, ആത്തിഫ് നജാര്‍, ഫിര്‍ദൗസ് അഹമ്മദ്, ഷാഹിദ് ബാഷിര്‍ എന്നിവരാണ് കൊല്ലപ്പെട്ടത്. അനന്ദ്‌നാഗ് ജില്ലയില്‍ ഒരു രാത്രി നീണ്ടുനിന്ന തെരച്ചിലിനൊടുവിലാണ് ഭീകരരെ കൊലപ്പെടുത്താനായത്. ആറു ഭീകരരും ബിജ്‌ബെഹറക്കടുത്ത സെക്കിപോറയിലെ ഒരു കാട്ടില്‍ ഒളിച്ചിരിക്കുകയായിരുന്നു. ഇവിടം വളഞ്ഞാണ് ഭീകരരെ വധിച്ചത്. കൊല്ലപ്പെട്ടവരില്‍ ഉനൈസ് ഷാഫി ഹിസ്ബുല്‍ മുജാഹിദീന്‍ ജില്ലാ കമാന്‍ഡറാണെന്നു സൈന്യം അറിയിച്ചു.