തൃശൂര്‍: തൃശൂര്‍ ഗവ. എന്‍ജിനീയറിങ് കോളജിലെ 1992 ബാച്ചിലെ പൂര്‍വ വിദ്യാര്‍ഥി കൂട്ടായ്മയുടെ നേതൃത്വത്തില്‍ സ്മൃതി 92 എന്ന പേരില്‍ കലാലയ ഓര്‍മകളുടെ രജത സംഗമം നടത്തുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു. 29 ന് രാവിലെ കോളജ് കാംപസിലും വൈകീട്ട് തൃശൂര്‍ ദാസ് കോണ്ടിനന്റല്‍ ഹോട്ടലിലുമായാണ് സംഗമം നടക്കുക. രാവിലെ 9.30 ന് ആരംഭിക്കുന്ന പരിപാടികളുടെ ഉദ്ഘാടനം കോളജ് മുന്‍ പ്രിന്‍സിപ്പാള്‍ ഡോ. കെ പി ഇന്ദിരാദേവി നിര്‍വഹിക്കും. 1992 ബാച്ചിലെ വിദ്യാര്‍ഥികള്‍ ശേഖരിച്ച തുകയായ 9 ലക്ഷം രൂപ കോളജിന് സംഭാവനയായി നല്‍കും. ഒത്തുചേരലിന്റെ ഓര്‍മ്മയ്ക്കായി കോളജ് കാംപസില്‍ വൃക്ഷതൈകള്‍ നടും. രജിസ്‌ട്രേഷന്‍ നടപടികള്‍ക്കായി പൂര്‍വ വിദ്യാര്‍ഥികള്‍ ബാബുതോമസ് (9847271034) നമ്പറില്‍ ബന്ധപ്പെടണം. വാര്‍ത്താസമ്മേളനത്തില്‍ സംഘാടകരായ അബ്ദുല്‍ ഗഫൂര്‍ കല്ലായി, മനീഷ് അരീക്കാട്ട്, ഷാനവാസ് കുറുപ്പന്‍, ശിവപ്രസാദ്, ജയറാം പങ്കെടുത്തു.