കൊളംബോ: ശ്രീലങ്കയിലെ പ്രസിഡന്റ് തെരഞ്ഞെടുപ്പില്‍ മുന്‍ പ്രസിഡന്റ് മഹീന്ദ രാജപക്‌സെയുടെ സഹോദരനും മുന്‍ പ്രതിരോധ സെക്രട്ടറിയുമായ ഗോതബായ രാജപക്‌സെ വിജയത്തിലേക്ക്. മുഖ്യ എതിരാളിയും മന്ത്രിയുമായ സജിത്ത് പ്രേമദാസ പരാജയത്തിലേക്കു നീങ്ങുന്നതായാണ് റിപ്പോര്‍ട്ട്. ശനിയാഴ്ചയായിരുന്നു തെരഞ്ഞെടുപ്പ്.
മഹീന്ദ രാജപക്‌സെ പ്രസിഡന്റായിരിക്കെ തമിഴ് പുലികള്‍ക്കെതിരായ സൈനിക നടപടികള്‍ക്കു നേതൃത്വം നല്‍കിയത് ഗോതബായ രാജപക്‌സെ ആയിരുന്നു. യുദ്ധത്തില്‍ സ്വീകരിച്ച കടുത്ത നടപടികളുടെ പേരില്‍ ഇദ്ദേഹത്തിനെതിരേ യു.എസ് നിയമനടപടി സ്വീകരിച്ചിരുന്നു.