ഈരാറ്റുപേട്ട : വിദ്യാര്‍ത്ഥികളുടെ കഠിദ്ധ്വാനവും, അധ്യാപകരുടെ കരുതലും, മാതാപിതാക്കളുടെ പിവ്തുണയും ഒത്തു ചേരുമ്പോള്‍ അവ കുട്ടികളുടെ ജീവിത വിജയത്തിന്റെ ആധാരശിലകളായി തീരുമെന്ന് ഇ.എസ്. ബിജിമോള്‍ എം.എല്‍.എ. മേലുകാവ് ഹെന്‍ഡ്രിബേക്കര്‍ കോളേജിലെ എം.ജി. യൂനിവേഴ്‌സിറ്റി കൊമേഴ്‌സ് റാങ്ക ജേതാക്കളുടെ അനുമോദന സമ്മേളനം ഉദ്ഘാടനം ചെയതു സംസാരിക്കുകയായിരുന്നു അവര്‍. സി.എസ്.ഐ.ഈസ്റ്റ് കേരള മഹാ ഇടവക ബിഷപ്പ് ഡോ. കെ.ജി. ദാനിയേല്‍ അധ്യക്ഷനായി.
ഐ.എ .എസ് റാങ്ക് ജേതാവ് അര്‍ജുന്‍ പാണ്ഡ്യന്‍ മുഖ്യ പ്രഭാഷണം നടത്തി. സമ്മേളനത്തില്‍ ജേതാവിന് പുരസ്‌കാരം നല്‍കി. റാങ്ക് ജേതാക്കള്‍ക്ക് പുരസ്‌കാരവും ക്യാഷ് അവാര്‍ഡും നല്‍കി. ഡോ. ആന്റണി കല്ലംപള്ളി, ഡോ. സാന്റോ ജോസ്, ഫാദര്‍ പി.കെ സെബാസ്റ്റ്യന്‍, അഡ്വ. വി.എന്‍.ശശിധരന്‍, ജോസ് വട്ടക്കവുങ്കല്‍, പ്രൊഫ.ലിസ ജോര്‍ജ്, ആന്റലി മെറീന മാത്യു എന്നിവര്‍ സംസാരിച്ചു.