മനാമ : കെ പി സി സി വര്‍ക്കിങ് പ്രസിഡന്റും, വയനാട് എം. പി യുമായ എം. ഐ. ഷാനവാസ് ന്റെ വിയോഗത്തില്‍ കെ എം സി സി ബഹ്‌റൈന്‍ അനുശോചിച്ചു. മുസ്‌ലിംലീഗുമായി അടുത്ത ബന്ധം പുലര്‍ത്തിയ നേതാവായിരുന്നു അദ്ദേഹം. പതിനഞ്ചാം ലോകസഭയിലും പതിനാറാം ലോകസഭയിലും അദ്ദേഹത്തിന്റെ മികച്ച പ്രകടനങ്ങള്‍ ശ്രദ്ധിക്കപ്പെട്ടു. ഗുരുതരമായ രോഗിയായപ്പോഴും ഒരിക്കലും തളരാത്ത മനോവീര്യത്തോടെ അദ്ദേഹം ജനങ്ങള്‍ക്കൊപ്പം നിന്നു പ്രവര്‍ത്തിച്ച ഒരു നേതാവായിരുന്നു. അദ്ദേഹത്തിന്റെ വിയോഗം രാജ്യത്തിനും കോണ്‍ഗ്രസ് പാര്‍ട്ടിക്കും, യു ഡി എഫിനും തീരാനഷ്ടമാണ് ബഹ്‌റൈന്‍ കെ എം സിസി അനുശേചനകുറിപ്പില്‍ പറഞ്ഞു.