ബ്രസീലിയ: ബ്രസീല്‍ പ്രസിഡന്റ് ജെയര്‍ ബെല്‍സനോര അറിയിപ്പെടുന്നത് ബ്രസീലിലെ ഡൊണാള്‍ഡ് ട്രംപ് എന്നാണ്. അദ്ദേഹത്തിന്റെ തീവ്ര വലതുപക്ഷ നിലപാടുകളാലാണ് ഈ വിളിപ്പേരുണ്ടായത്.
റിട്ട.സൈനിക ക്യാപ്റ്റനായ ഇദ്ദേഹം പ്രകൃതി, തോക്ക് നിയമം, അഭയാര്‍ഥി തുടങ്ങിയ വിഷയങ്ങളില്‍ വിവാദ നിലപാടുകള്‍ സ്വീകരിക്കുന്നയാളാണ്. അധികാരത്തിലെത്തിയതു മുതല്‍ ആമസോണ്‍ കാടുകളിലെ പരിസ്ഥിതി അനുകൂല നിയമങ്ങളില്‍ ഇളവ് വരുത്തിയിരുന്നു. കാട്ടുതീ പടര്‍ന്നപ്പോള്‍ അത് കെടുത്താനുള്ള നടപടി സ്വീകരിക്കാത്തതില്‍ ലോക വ്യപകമായി ബെല്‍സനോരയെ വിമര്‍ശിച്ചിരുന്നു. 20ാം നൂറ്റാണ്ടിലെ ബ്രസീല്‍ ഏകാധിപതിയെ പുകഴ്ത്തിയ ബെല്‍സനോര അധികാരത്തിലെത്തിയ ഉടനെ തന്റെ രാഷ്ട്രീയ എതിരാളികളെ തുടച്ചുനീക്കുമെന്ന് പ്രഖ്യാപിച്ചിരുന്നു.