കൊടുങ്ങല്ലൂര്‍: വാഹനത്തിരക്കേറിയ റോഡില്‍ തേക്ക് മരം ഒടിഞ്ഞു വീണു ഗതാഗതം സ്തംഭിച്ചു. കൊടുങ്ങല്ലൂര്‍ എറിയാട് ചേരമാന്‍ റൂട്ടില്‍ ബൈപ്പാസിന് പടിഞ്ഞാറുഭാഗത്താണ് ഉച്ചക്ക് രണ്ടുമണിയോടെ മരം ഒടിഞ്ഞുവീണത്. സദാസമയം വാഹനങ്ങളും കാല്‍നടയാത്രക്കാരും കടന്നുപോകുന്ന റോഡിലാണ് മരം വീണതെങ്കിലും തലനാരിഴക്ക് അപകടം ഒഴിവാകുകയായിരുന്നു. 

സമീപത്തുണ്ടായിരുന്ന വൈദ്യുതി ലൈന്‍ പൊട്ടി വീണു. പൊലിസും, കെ.എസ്.ഇ.ബി അധികൃതരും സ്ഥലത്തെത്തി തുടര്‍നടപടികള്‍ സ്വീകരിച്ചു.