കൊടുങ്ങല്ലൂര്‍: മാഹി ബ്രാന്‍ഡ് വിദേശമദ്യവുമായി യുവാവ് പിടിയില്‍. ചാമക്കാല പുളിക്കല്‍ പ്രിയന്‍ എന്ന അനില്‍കുമാറി(39)നെയാണ് എക്‌സൈസ് സര്‍ക്കിള്‍ ഇന്‍സ്‌പെക്ടര്‍ പി.എസ് ജോസും സംഘവും അറസ്റ്റ് ചെയ്ത്. ഇയാളുടെ പക്കല്‍ നിന്നും പോണ്ടിച്ചേരിയില്‍ മാത്രം വില്‍പ്പന നടത്താന്‍ അനുമതിയുള്ള രണ്ടര ലിറ്റര്‍ വിദേശമദ്യം പിടിച്ചെടുത്തു. അഞ്ച് കുപ്പികളിലായി സ്‌ക്കൂട്ടറിന്റെ സീറ്റിനടിയില്‍ ഒളിപ്പിച്ചു വച്ച മദ്യം കൂരിക്കുഴിയില്‍ വച്ചാണ് പിടികൂടിയത്. പോണ്ടിച്ചേരി സംസ്ഥാനത്തിന് പുറത്ത് ഈ മദ്യം കൈവശം വെയ്ക്കുന്നത് കുറ്റകരമാണ്.
ബസിലും ട്രൈനിലുമായി എത്തിക്കുന്ന മദ്യം ഇയാള്‍ തീരമേഖലയില്‍ വില്‍പ്പന നടത്തി വരികയായിരുന്നു.
ഇയാളെ കൊടുങ്ങല്ലൂര്‍ ഒന്നാം ക്ലാസ്സ് മജിസ്‌ട്രേട്ട് കോടതി റിമാന്‍ഡ് ചെയ്തു. പ്രിവന്റിവ് ഓഫിസര്‍ നെല്‍സന്‍, വി.ആര്‍ സുനില്‍കുമാര്‍ എന്നിവരും എക്‌സൈസ് സംഘത്തിലുണ്ടായിരുന്നു.