സുള്ള്യ: ജംഇയ്യത്തു തര്‍ബിയ്യത്തില്‍ ബുഖാരിയ്യയുടെ 23-ാം വാര്‍ഷിക ഖുത്തുബിയ്യത്തും സൂഫിവര്യനായിരുന്ന സയ്യിദ് ഫക്‌റുദ്ദീന്‍ തങ്ങള്‍ അല്‍ ബുഖാരിയുടെ 15-ാം ഉറൂസും ഡിസംബര്‍ ഒന്നുമുതല്‍ അഞ്ചുവരെ ദുഗലഡുക്കയില്‍ നടക്കും.
ഡിസംബര്‍ ഒന്നിനു രാവിലെ ഒന്‍പതിന് എന്‍.പി.എം ഹാമിദ് കോയമ്മ തങ്ങള്‍ അല്‍ ബുഖാരി പതാക ഉയര്‍ത്തുന്നതോടെ ചടങ്ങുകള്‍ തുടങ്ങും. തുടര്‍ന്ന് മഖാം സിയാറത്തും മൗലിദും നടക്കും.
രാവിലെ 11ന് കോഴിക്കോട് ഖാസി മുഹമ്മദ് കോയ ജമലുല്ലൈലി തങ്ങള്‍ ഉദ്ഘാടനം നിര്‍വഹിക്കും. ത്വാഖ അഹമ്മദ് മുസ്‌ലിയാര്‍ അല്‍ അസ്ഹരി അധ്യക്ഷനാവും. സലാം ദാരിമി ആലംപാടി മുഖ്യപ്രഭാഷണം നടത്തും. വൈകിട്ട് ആറരയ്ക്ക് മതപ്രഭാഷണം യു.എം അബ്ദുറഹ്മാന്‍ മുസ്‌ലിയാര്‍ ഉദ്ഘാടനം ചെയ്യും. എം.എ ഖാസിം മുസ്‌ലിയാര്‍ അധ്യക്ഷനാവും. മാഹിന്‍ മുസ്‌ലിയാര്‍ മുഖ്യപ്രഭാഷണം നടത്തും.
തുടര്‍ന്നുള്ള ദിവസങ്ങളില്‍ നാസറുദ്ദീന്‍ ബെദിരി വെണ്ണിയൂര്‍, ബഷീര്‍ ഫൈസി അല്‍ ഹാമിദ് ചെറുകുന്ന്, അഹ്മദ് ബാഖവി അരൂര്‍ പ്രഭാഷണം നടത്തും.
അഞ്ചിനു രാത്രി എട്ടിനു നടക്കുന്ന മഖാം സിയാറത്തിനും ഖത്തം ദുആക്കും എന്‍.പി.എം സയ്യിദ് സൈനുല്‍ ആബിദീന്‍ തങ്ങള്‍ നേതൃത്വം നല്‍കും. തുടര്‍ന്ന് എ. നജീബ് മൗലവി മമ്പാട് പ്രഭാഷണം നടത്തും. മെട്രോ മുഹമ്മദ് ഹാജി പങ്കെടുക്കും. ആറിന് പുലര്‍ച്ചെ അന്നദാനത്തോടെ ഉറൂസ് സമാപിക്കും.