കണ്ണൂര്‍: കണ്ണൂര്‍ ആര്‍.ടി ഓഫിസില്‍ വിജിലന്‍സ് റെയ്ഡില്‍ വ്യാപകമായ ക്രമക്കേടുകള്‍ കണ്ടെത്തി. ഇന്നലെ രാവിലെയാണ് ആര്‍.ടി ഓഫിസില്‍ വിജിലന്‍സ് സി.ഐ ശശിധരന്റെ നേതൃത്വത്തില്‍ പരിശോധന നടത്തിയത്. റെയ്ഡിനിടെ ഏജന്റായ താഴെചൊവ്വയിലെ പ്രമോദ് പിടിയിലായി. ഇയാളില്‍ നിന്നു 60,100 രൂപ, 92 ഫിറ്റ്‌നസ് സര്‍ട്ടിഫിക്കറ്റ്, 20 ആര്‍.സി ബുക്ക്, മൂന്ന് ലൈസന്‍സ് എന്നിവ പിടിച്ചെടുത്തു. കണ്ണൂര്‍ ആര്‍.ടി ഓഫിസില്‍ ഏജന്റുമാര്‍ അനധികൃതമായി ഇടപെടുന്നുവെന്ന പരാതിയെ തുടര്‍ന്നാണ് വിജിലന്‍സ് നടപടിയാരംഭിച്ചത്. റിപ്പോര്‍ട്ട് കോഴിക്കോട് വിജിലന്‍സ് എസ്. പിക്ക് നല്‍കും.