ശ്രീകണ്ഠപുരം: ചെങ്കല്‍ പണയിലെ കല്ലുവെട്ട് യന്ത്രം സാമൂഹിക വിരുദ്ധര്‍ അഗ്‌നിക്കിരയാക്കി. ചുഴലി മാവിലംപാറയിലെ ഒത്തില്‍ പുരുഷോത്തമന്‍, കാഞ്ഞങ്ങാട്ടെ ശാഫി എന്നിവരുടെ ഉടമസ്ഥതയിലുള്ള ചെങ്കല്‍ പണയിലാണ് കഴിഞ്ഞ ദിവസം അക്രമം നടന്നത്.
പണയില്‍ നിര്‍ത്തിയിട്ട ലക്ഷങ്ങള്‍ വിലവരുന്ന കല്ലുവെട്ട് യന്ത്രം തീവച്ച് നശിപ്പിക്കുകയും സാധനങ്ങള്‍ മോഷ്ടിക്കുകയുമായിരുന്നു. രണ്ടാം തവണയാണ് ഇവിടെ അക്രമം നടക്കുന്നത്. മാസങ്ങള്‍ക്ക് മുന്‍പ് ഇവരുടെ തന്നെ പണയിലെ യന്ത്രത്തിനുള്ളില്‍ ഉപ്പ് വാരിയിട്ട് യന്ത്രം തകരാറിലാക്കിയിരുന്നു. ശ്രീകണ്ഠപുരം പൊലിസ് സ്ഥലത്തെത്തി പരിശേധന നടത്തി.