നിലമ്പൂര്‍: മാനന്തവാടി ഡിവൈ.എസ്.പിയായി സ്ഥാനക്കയറ്റം ലഭിച്ച നിലമ്പൂര്‍ സി.ഐ കെ.എം ദേവസ്യക്ക് സഹപ്രവര്‍ത്തകര്‍ യാത്രയയപ്പ് നല്‍കി. യാത്രയയപ്പ് ചടങ്ങിനിടെ എസ്.ഐമാര്‍ക്ക് സി.ഐയാക്കി സ്ഥാനം കയറ്റം നല്‍കിയുള്ള ഉത്തരവ് സ്‌റ്റേഷനില്‍ വന്നത് കൗതുകവുമായി.
ഡിവൈ.എസ്.പിയായി പ്രൊമോഷന്‍ ലഭിച്ചതിന്റെ യാത്രയയപ്പ് സമ്മേളനം നടക്കുന്നതിനിടെയാണ് വൈകിട്ടോടെ നിലമ്പൂര്‍ എസ്.ഐ മനോജ് പറയറ്റ, എടക്കര എസ്.ഐ സുനില്‍ പുളിക്കല്‍ എന്നിവരെ സി.ഐമാരായി സ്ഥാനക്കയറ്റം നല്‍കിയ ഉത്തരവ് സ്റ്റേഷനിലെത്തിയത്.
മനോജ് പറയറ്റയെ കാസര്‍കോട് തൃക്കരിപ്പൂര്‍ കോസ്റ്റല്‍ സ്‌റ്റേഷന്‍ സി.ഐയാക്കിയും സുനില്‍ പുളിക്കലിനെ കോഴിക്കോട് വിജിലന്‍സ് സി.ഐയാക്കിയുമാണ് സ്ഥാനക്കയറ്റം നല്‍കിയത്.
ദേവസ്യക്ക് നിലമ്പൂര്‍ പൊലിസ് സറ്റേഷനില്‍ നടന്ന യാത്രയയപ്പ് ചടങ്ങില്‍ എടക്കര സി.ഐ പി.എം സന്തോഷ് അധ്യക്ഷനായി. നിലമ്പൂര്‍ എസ്.ഐ മനോജ് പറയറ്റ, എടക്കര എസ്.ഐ സുനില്‍ പുളിക്കല്‍, പൂക്കോട്ടുംപാടം എസ്.ഐ അമൃതരംഗന്‍, ജൂനിയര്‍ എസ്.ഐ എം.ആര്‍ അജിത് കുമാര്‍, അബൂബക്കര്‍, സി.പി.ഒ നിഷ എന്നിവര്‍ സംസാരിച്ചു. പൊലിസുകാരുടെ ഉപഹാരവും സി.ഐക്ക് കൈമാറി. ഓട്ടോറിക്ഷ യൂനിയന്‍ ഭാരവാഹികളും ചടങ്ങില്‍ ഉപഹാരം കൈമാറി.