ഗോള്‍: ഗോള്‍ ക്രിക്കറ്റ് സ്‌റ്റേഡിയത്തില്‍ വച്ച് ലങ്കയെ തൂത്തെറിഞ്ഞ് കോഹ്‌ലിയുടെ നേതൃത്വത്തിലുള്ള ടീം ഇന്ത്യ നേടിയത് തകര്‍പ്പന്‍ ജയം. ഒന്നാം ക്രിക്കറ്റ് ടെസ്റ്റില്‍ കളി അവസാനിക്കാന്‍ ഒരു ദിവസം ബാക്കി നില്‍ക്കേയാണ് ആതിഥേയരായ ശ്രീലങ്കയെ 304 റണ്‍സിന് ഇന്ത്യ നിലംപരിശാക്കിയത്.

2004 ഡിസംബറില്‍ ശ്രീലങ്കയില്‍ ആഞ്ഞടിച്ച സുനാമി തിരമാലയില്‍ തകര്‍ന്നടിഞ്ഞ രാജ്യത്തെ പ്രമുഖ ക്രിക്കറ്റ് സ്റ്റേഡിയമായ ഗോള്‍ പുന്‍നിര്‍മിച്ച ശേഷം നടന്ന മത്സരത്തില്‍ ലങ്കക്കിത് മറ്റൊരു സുനാമിയായി മാറുകയായിരുന്നു.

550 റണ്‍സിന്റെ വിജയലക്ഷ്യവുമായി ബാറ്റിങ്ങിനിറങ്ങിയ ലങ്ക 245 റണ്‍സിന് ഓള്‍ ഔട്ടായി.
ഇന്ത്യക്കായി അശ്വിന്‍,ജഡേജ എന്നിവര്‍ മൂന്നു വിക്കറ്റ് സ്വന്തമാക്കി. സെഞ്ച്വറി അടക്കം മികച്ച പ്രകടനം കാഴ്ചവച്ച ശിഖര്‍ ധവാനാണ് കളിയിലെ താരം. സ്‌കോര്‍- ഇന്ത്യ 600,240/3 ഡിക്ലയേര്‍ഡ്, ശ്രീലങ്ക 291,245. വിജയത്തോടെ മൂന്ന് ടെസ്റ്റുകളടങ്ങിയ ഇന്ത്യ- ശ്രീലങ്ക പരമ്പരയില്‍ 1-0ത്തിന് ഇന്ത്യ മുന്നിലെത്തി.