മാങ്ങാട്ടുപറമ്പ്: 3000 മീറ്ററിന്റെ തനിയാവര്‍ത്തനമായിരുന്നു 1500 ലെ പോരാട്ടവും. നാല് ഫൈനലുകളില്‍ മൂന്നിലും സ്വര്‍ണം നേടിയത് 3000 മീറ്ററിലെ വിജയികള്‍ തന്നെ. സീനിയര്‍ പെണ്‍കുട്ടികളില്‍ പാലക്കാട് കല്ലടി സ്‌കൂളിലെ സി.
ചാന്ദ്‌നിയും ജൂനിയര്‍ വിഭാഗത്തില്‍ കോഴിക്കോട് കട്ടിപ്പാറ ഹോളിഫാമിലി എച്ച്.എസ്.എസിലെ കെ.പി സനികയും ജൂനിയര്‍ ആണ്‍കുട്ടികളില്‍ പാലക്കാട് പട്ടഞ്ചേരി ജി.എച്ച്.എസിലെ ജെ. റിജോയും പൊന്നില്‍ ഡബിളടിച്ചു. സീനിയര്‍ ആണ്‍കുട്ടികളുടെ 1500 ല്‍ എറണാകുളം മാതിരപ്പിള്ളി ഗവ. എച്ച്.എസ്.എസിലെ എസ്. സുജീഷും സ്വര്‍ണത്തിന് അര്‍ഹനായി. സി. ചാന്ദ്‌നി 438.49 സെക്കന്‍ഡിലാണ് തന്റെ രണ്ടണ്ടാം സ്വര്‍ണത്തിലേക്ക് ഓടിക്കയറിയത്. ജൂനിയര്‍ വിഭാഗം പെണ്‍കുട്ടികളുടെ ഈ ഇനത്തില്‍ കെ.പി. സനിക 4.:46.49 സെക്കന്‍ഡിലായിരുന്നു ഫിനിഷ് ലൈന്‍ മറികടന്ന് ഇരട്ടപ്പൊന്ന് സ്വന്തമാക്കിയത്. ആണ്‍കുട്ടികളുടെ വിഭാഗത്തില്‍ ജെ. റിജോയ് 4.07.20 സെക്കന്‍ഡിലാണ് ഇരട്ടപ്പൊന്നിലേക്ക് ഓടിക്കയറിയത്.