കോവളം: വിധവയും തമിഴ്‌നാട് സ്വദേശിനിയുമായ യുവതിയെ വിവാഹവാഗ്ദാനം നല്‍കി പീഡിപ്പിച്ച കേസിലെ  പ്രതിയെ കോവളം പൊലിസ് അറസ്റ്റ് ചെയ്തു.
ടൂറിസ്റ്റ് ബസിന്റെ ഡ്രൈവറായി ജോലി ചെയ്യുന്ന കോളിയൂര്‍ സെന്റ് തോമസ് ചര്‍ച്ച് റോഡില്‍ താമസിക്കാരനായ രാജു എന്ന് വിളിക്കുന്ന ഗിരിലാല്‍ (28) നെയാണ് കോവളം പൊലിസ്  അറസ്റ്റ് ചെയ്തത്. 4 മാസം  മുമ്പ് യുവതിയെ കന്യാകുമാരിയിലെ ഒരു ലോഡ്ജിലെത്തിച്ച്  ഭീഷണിപ്പെടുത്തി പീഡിപ്പിച്ചതിന് ശേഷം  വിവാഹ വാഗ്ദാനം നല്‍കി പ്രതിയുടെ കോളിയൂരിലുള്ള വീട്ടില്‍ എത്തിച്ച് പീഡിപ്പിച്ച് വരിയായിരുന്നുവെന്ന് പൊലിസ് പറഞ്ഞു.
യുവതി പരാതിയുടെ അടിസ്ഥാനത്തില്‍ കേസ്സ് രജിസ്റ്റര്‍ ചെയ്ത്  നടത്തിയ അന്വേഷണത്തിനൊടുവില്‍ വിഴിഞ്ഞം സി.ഐ എന്‍ ഷിബു, കോവളം എസ്.ഐ ജി. അജയകുമാര്‍ എന്നിവരുടെ നേതൃത്വത്തിലുള്ള സംഘം പ്രതിയെ അറസ്റ്റ് ചെയ്യുകയായിരുന്നു.