പയ്യന്നൂര്‍: പുതിയ ബസ് സ്റ്റാന്റിനു സമീപം പയ്യന്നൂര്‍ കോര്‍പറേഷന്‍ ബാങ്കിന്റെ എ.ടി.എം മെഷീന്‍ തകര്‍ത്ത് കവര്‍ച്ച നടത്താന്‍ ശ്രമിച്ച കേസിന്റെ അന്വേഷണം പൊലിസ് ഊര്‍ജിതമാക്കി. നിരീക്ഷണ കാമറയില്‍ പതിഞ്ഞ യുവാവിന്റെ ദൃശ്യം ശാസ്ത്രീയമായി പരിശോധിച്ചു തുടങ്ങി. സംഭവ ദിവസവും രണ്ട് ദിവസം മുന്‍പും എ.ടി.എം കൗണ്ടര്‍ സന്ദര്‍ശിച്ചവരെ ദൃശ്യങ്ങളിലൂടെ പരിശോധിച്ചു വരികയാണ് അന്വേഷണ സംഘം. സംഭവസമയത്ത് വ്യത്യസ്ത സ്ഥലങ്ങളിലേക്കായി പോയ രണ്ട് ഫോണ്‍ വിലികള്‍ കേസില്‍ നിര്‍ണായകമാകും.