അന്താരാഷ്ട്ര കടുവാ ദിനാചരണത്തിന്റെ ഭാഗമായി ഏകദിന സെമിനാര്‍ സംഘടിപ്പിച്ചു
ചെറുവത്തൂര്‍: 'കടുവയില്ലാത്ത കാടും കാടില്ലാത്ത കടുവയും' നാടിനാപത്ത്' എന്ന തിരിച്ചറിവുമായി അന്താരാഷ്ട്ര കടുവാ ദിനാചരണം. കേരള വനം വന്യജീവി വകുപ്പ് സാമൂഹ്യ വനവല്‍ക്കരണ വിഭാഗവും ചെറുവത്തൂര്‍ ബി.ആര്‍.സിയും ചന്തേര ജി.യു.പി സ്‌കൂളില്‍ സംഘടിപ്പിച്ച ഏകദിന സെമിനാറിലാണ് കടുവയുടെ വിശേഷങ്ങള്‍ കുട്ടികളറിഞ്ഞത്.  വന്യജീവികളുടെ നൂറോളം ഫോട്ടോകളുടെ പ്രദര്‍ശനവുമുണ്ടായി. സെമിനാര്‍ നീലേശ്വരം ബ്ലോക്ക് പഞ്ചായത്ത് പ്രസിഡന്റ് വി.പി ജാനകി ഉദ്ഘാടനം ചെയ്തു. സാമൂഹ്യ വനവല്‍ക്കരണ വിഭാഗം അസിസ്റ്റന്റ് കണ്‍സര്‍വേറ്റര്‍ പി. ബിജു അധ്യക്ഷനായിരുന്നു. പിലിക്കോട് ഗ്രാമപഞ്ചായത്ത് പ്രസിഡന്റ് ടി.വി ശ്രീധരന്‍ പ്രദര്‍ശനം ഉദ്ഘാടനം ചെയ്തു. അസിസ്റ്റന്റ് കണ്‍സര്‍വേറ്റര്‍ പി. ബിജു, പയ്യന്നൂര്‍ സീക്ക് ഡയരക്ടര്‍ ടി.പി പത്മനാഭന്‍  എന്നിവര്‍ വിഷയാവതരണം നടത്തി. ഫോറസ്റ്റ് റെയ്ഞ്ച് ഓഫിസര്‍ എം. ജോഷില്‍, സെക്ഷന്‍ ഫോറസ്റ്റ് ഓഫിസര്‍ എന്‍.വി സത്യന്‍, കെ.ഇ ബിജുമോന്‍, ജയചന്ദ്രന്‍ കര്‍ക്കടകക്കാട്ടില്‍, വി.വി ശശി മോഹനന്‍, രാജേഷ് പട്ടേരി, പി.വി പ്രസീദ എന്നിവര്‍ സംസാരിച്ചു.  ഡോ.പി. സന്തോഷ്, ഇ.പി ഉണ്ണികൃഷ്ണന്‍, ശ്രീജിത്ത് നീലായി, സിബി വെള്ളരിക്കുണ്ട് എന്നിവരുടെ ഫോട്ടോകളാണ് പ്രദര്‍ശിപ്പിച്ചത്. യു.പി വിഭാഗം വനം  വന്യ ജീവി ക്വിസ് മത്സരത്തിലെ വിജയികള്‍ക്ക് ചെറുവത്തൂര്‍ ഉപജില്ലാ വിദ്യാഭ്യാസ ഓഫിസര്‍ ടി.എം സദാനന്ദന്‍ സമ്മാനങ്ങള്‍ നല്‍കി. ടി.വി ബാലകൃഷ്ണന്‍, ചെറുവത്തൂര്‍ ബി.പി.ഒ കെ. നാരായണന്‍, ബി.ആര്‍.സി ട്രെയിനര്‍ പി. വേണുഗോപാലന്‍ സംസാരിച്ചു.