മലപ്പുറം: പ്രവാസി ലീഗ് സംസ്ഥാന കമ്മിറ്റിയുടെ ആഭിമുഖ്യത്തില്‍ നടക്കുന്ന പാണക്കാട് മുഹമ്മദലി ശിഹാബ് തങ്ങള്‍, ഹാജി കെ. മമ്മദ് ഫൈസി അനുസ്മരണ സദസിനും അവകാശ പോരാട്ട പ്രഖ്യാപന സമ്മേളനത്തിനും അന്തിമരൂപമായി. ഓഗസ്റ്റ് ഒന്നിന് ഉച്ചയ്ക്ക് 2.30ന് കോഴിക്കോട് ലീഗ് ഹൗസില്‍ നടക്കുന്ന പരിപാടി മുസ്‌ലിം ലീഗ് സംസ്ഥാന ജനറല്‍ സെക്രട്ടറി കെ.പി.എ മജീദ് ഉദ്ഘാടനം ചെയ്യും.
ശിഹാബ് തങ്ങള്‍ അനുസ്മരണ പ്രഭാഷണം സി.പി സൈതലവി, ഹാജി കെ. മമ്മദ് ഫൈസി അനുസ്മരണ പ്രഭാഷണം എസ്.വൈ.എസ് സംസ്ഥാന സെക്രട്ടറി അബ്ദുസമ്മദ് പൂക്കോട്ടൂര്‍ എന്നിവര്‍ നിര്‍വഹിക്കും. മഞ്ഞളാംകുഴി അലി എം.എല്‍.എ, പി.അബ്ദുല്‍ ഹമീദ് എം.എല്‍.എ, പി.കെ.കെ ബാവ, പി.എം.എ സലാം, എം.സി മായിന്‍ഹാജി, സി.പി ബാവ ഹാജി, ഉമ്മര്‍ പാണ്ടികശാല, കെ.പി മുഹമ്മദ് കുട്ടി, ഇബ്‌റാഹീം എളേറ്റില്‍, സി.കെ.വി യൂസഫ്, കെ. അന്‍വര്‍ നഹ പ്രസംഗിക്കും. സംഘാടക സമിതി യോഗം പി.എം.എ സലാം ഉദ്ഘാടനം ചെയ്തു. പ്രസിഡന്റ് എസ്.വി അബ്ദുല്ല അധ്യക്ഷനായി. ഹനീഫ മൂന്നിയൂര്‍ രൂപരേഖ അവതരിപ്പിച്ചു.