തിരുവനന്തപുരം: അത്യുല്‍പാദന ശേഷിയുള്ള നാടന്‍ പശുക്കളെയും കിടാരികളെയും ഗുജറാത്തില്‍നിന്ന് എത്തിക്കാന്‍ ധാരണയായതായി ക്ഷീരവികസന വകുപ്പുമന്ത്രി കെ. രാജു അറിയിച്ചു. ഗാന്ധിനഗറില്‍ ഗുജറാത്ത് മൃഗസംരക്ഷണ വകുപ്പുമന്ത്രി ബാബുഭായ് ബൊക്ക്‌റിയയുമായി നടത്തിയ ചര്‍ച്ചയ്ക്കുശേഷമാണ് മന്ത്രി ഇക്കാര്യം അറിയിച്ചത്.
ധാരണപ്രകാരം മികച്ച ഉല്‍പാദനശേഷിയുള്ള ഗീര്‍, കാങ്കറേജ് വിഭാഗങ്ങളില്‍പെട്ട നാടന്‍ പശുക്കളെയാകും എത്തിക്കുക. ഇവയെ സുരക്ഷിതമായി കേരളത്തില്‍ എത്തിക്കുന്നതിനുള്ള സാങ്കേതികസഹായവും ഗുജറാത്ത് സര്‍ക്കാര്‍ നല്‍കുമെന്ന് മന്ത്രി അറിയിച്ചു.