തൃശൂര്‍: കായികമേളകള്‍ ബഹിഷ്‌കരിച്ച് കൊണ്ടുള്ള സമരത്തില്‍ ഉറച്ചുനില്‍ക്കാന്‍ എറണാകുളത്ത് ചേര്‍ന്ന സംയുക്ത കായിക അധ്യാപക സംഘടനയുടെ സംസ്ഥാന എക്‌സിക്യൂട്ടിവ് യോഗം തീരുമാനിച്ചു. സര്‍ക്കാര്‍ സ്‌കൂളുകളിലെ കായിക അധ്യാപക തസ്തികകള്‍ പരിഷ്‌കരിക്കാനും പുതിയ തസ്തികകള്‍ സൃഷ്ടിക്കാനും നടപടി കൈകൊള്ളാത്ത സര്‍ക്കാര്‍ നയത്തില്‍ പ്രതിഷേധിച്ചാണ് സമരപരിപാടികള്‍ക്ക് രൂപം നല്‍കിയത്. ഓഗസ്റ്റ് അഞ്ചിന് കറുത്ത ബാഡ്ജ് ധരിച്ച് പ്രതിഷേധ ദിനം ആചരിക്കും. എട്ടിനു ജില്ലാ-ഉപജില്ലാ സെക്രട്ടറിമാര്‍ രാജിവയ്ക്കുകയും ഡി.ഡി.ഇ ഓഫിസിനു മുന്നില്‍ ധര്‍ണ നടത്തുകയും ചെയ്യും.