വണ്ടൂര്‍: വണ്ടൂരില്‍ നടക്കുന്ന ത്രിദിന മണ്ഡലം മുസ്‌ലിം യൂത്ത് ലീഗ് സമ്മേളനം ഇന്ന് സമാപിക്കും. വൈകീട്ട് ഏഴിന് വണ്ടൂര്‍ ഖാഇദെമില്ലത്ത് സൗധത്തില്‍ നടക്കുന്ന കൗണ്‍സില്‍ യോഗത്തില്‍ പുതിയ ഭാരവാഹികളെ തെരഞ്ഞെടുക്കും. ഇന്നലെ നടന്ന പ്രതിനിധി സമ്മേളനം പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്തു. മണ്ഡലം  യൂത്ത് ലീഗ് പ്രസിഡന്റ് എം.കെ മുസ്തഫ അബ്ദുല്‍ ലത്തീഫ് അധ്യക്ഷനായി. പി.കെ ഫിറോസ്, സി.കെ സുബൈര്‍, എം.സി വടകര, അഡ്വ. എം. ഉമര്‍ എംഎല്‍എ, വണ്ടൂര്‍ കെ ഹൈദരലി, കളത്തില്‍ കുഞ്ഞാപ്പു ഹാജി, പി. ഖാലിദ് മാസ്റ്റര്‍, വി.എ.കെ തങ്ങള്‍, ഷൈജല്‍ എടപ്പറ്റ,സി.കെ അഷ്‌റഫ് സംസാരിച്ചു. സംഘടന സെഷന്‍ യൂത്ത് ലീഗ് സംസ്ഥാന പ്രസിഡന്റ് അഡ്വ. പി.എം സാദിഖലി ഉദ്ഘാടനം  ചെയ്തു.എംഎല്‍എമാരായ പി.കെ ബഷീര്‍,അഡ്വ. എന്‍. എന്‍. ഷംസുദ്ദീന്‍,പി.ഉബൈദുള്ള,ടി.വി ഇബ്രാഹിം സംസാരിച്ചു.