ചെങ്കള: വാനും സ്‌കൂട്ടറും കൂട്ടിയിടിച്ച് നാലു പേര്‍ക്ക് സാരമായി പരുക്കേറ്റു. ഇന്നലെ രാവിലെ എട്ടോടെ ചെങ്കള സന്തോഷ് നഗര്‍ പാണലത്താണ് അപകടമുണ്ടായത്.
യുവാക്കള്‍ സഞ്ചരിച്ച കെ.എല്‍. 14 . ആര്‍ 7131 നമ്പര്‍ സ്‌കൂട്ടറും എതിരെ നിന്നു വരുകയായിരുന്ന ഓംനി വാനും കൂട്ടിയിടിക്കുകയായിരുന്നു.
സ്‌കൂട്ടര്‍ യാത്രക്കാരായ ബേര്‍ക്കയിലെ റിഷാദ് (19), ബന്ധുവും ബദിയടുക്ക സ്വദേശിയുമായ അനസ് (19), ഓമ്നി വാനിലുണ്ടായിരുന്ന പൊവ്വലിലെ സിദ്ദിഖ് (19), ഫാറൂഖ് (19) എന്നിവര്‍ക്കാണ് പരുക്കേറ്റത്. ഇവരെ ആശുപത്രിയില്‍ പ്രവേശിപ്പിച്ചു.