വാടാനപ്പള്ളി: മുദ്രമോതിരവും ചൂഡാരത്‌ന സമര്‍പ്പണവും നടത്തി. തൃപ്രയാര്‍ ശ്രീരാമ ക്ഷേത്ര സന്നിധിയില്‍ ആദ്യമായി സ്വര്‍ണത്താല്‍ നിര്‍മിച്ച മുദ്രമോതിരവും ചൂഡാര രത്‌നവും സമര്‍പ്പിച്ചു. സീതയെ തേടി ഹനുമാന്‍ ലങ്കയിലെത്തി അശോകവനത്തിലെ സീതാദേവിക്ക് അടയാളമായി കാണികൊടുത്ത താണ് ശ്രീരാമന്റെ മുദ്രമോതിരം തിരിച്ച് സീതാദേവി തന്റെ അടയാളമായി പത്‌നിക്ക് കാണിക്കുന്നതിന് നല്‍കിയതാണ് ചൂഡാരത്‌നം. ചൂഡാരത്തനവുമായി ആഘോഷത്തോടെ വരുന്ന ആജ്ഞനേയരെ സ്വീകരിക്കുന്ന ചടങ്ങ് എല്ലാ വര്‍ഷവും പത്താമുദയ ദിവസം ഇവിടെ ഉണ്ട്. ചെന്നൈയിലെ വ്യവസായിയായ രഘുനാഥ് നാരായണനും ഭാര്യയും ആദ്യമായി ഈ വഴിപാട് സമര്‍പ്പിക്കന്നത് കുറ്റുമുക്ക് സ്വദേശി സി.കെ. മധുവാണ് ഇത് രണ്ടും തയ്യാറാക്കിയത്. ആറു പവന്‍ സ്വര്‍ണത്തിലാണ് നിര്‍മിച്ചത്.
എ.ഐ ജയകുമാര്‍, എം. സ്വര്‍ണലത, സുഭാഷിണി മഹാദേവന്‍ പി. വിനു, പ്രകാശന്‍, യു.പി കൃഷ്ണനുണ്ണി, മാധവ മേനോന്‍, ദേവസ്വം മാനേജര്‍ എം. മനോജ് കുമാര്‍ പങ്കെടുത്തു.