കൊയിലാണ്ടി: ഹര്‍ത്താല്‍ ദിനത്തില്‍ യാത്രികര്‍ക്ക് സൗകര്യമൊരുക്കി ട്രാഫിക് പൊലിസ്. അര്‍ധരാത്രി പ്രഖ്യാപിച്ച ഹര്‍ത്താലില്‍ വാഹനം കിട്ടാതെ മണിക്കൂറുകളോളം വലഞ്ഞ ദീര്‍ഘദൂര യാത്രക്കാര്‍ക്കാണ് കൊയിലാണ്ടി ട്രാഫിക് പൊലിസിന്റെ മാതൃകാ പ്രവര്‍ത്തനങ്ങള്‍ ആശ്വാസമായത്.
കൊയിലാണ്ടി ട്രാഫിക് എസ്.ഐ മോഹന്‍ദാസിന്റെ നേതൃത്വത്തിലുള്ള ട്രാഫിക് യൂനിറ്റാണ് മാതൃകാപരമായ പ്രവര്‍ത്തനവുമായി രംഗത്തുവന്നത്. താലൂക്ക് ആശുപത്രിയില്‍ ചികിത്സ തേടിയെത്തിയവര്‍ക്കും പൊലിസ് യാത്രാ സൗകര്യമൊരുക്കിയിരുന്നു.