ന്യൂഡല്‍ഹി: ചികിത്സാ ആവശ്യങ്ങള്‍ക്ക് കഞ്ചാവ് നിയമവിധേയമാക്കണമെന്ന് കേന്ദ്ര വനിതാശിശുക്ഷേമ വകുപ്പ് മന്ത്രി മേനകാ ഗാന്ധി. മരുന്നു നിയന്ത്രണ നയവുമായി ബന്ധപ്പെട്ടു നടന്ന കേന്ദ്രമന്ത്രിമാരുടെ യോഗത്തിലാണ് മേനകാ ഗാന്ധിയുടെ അഭിപ്രായപ്രകടനം. കാന്‍സര്‍ പോലുള്ള മാരകരോഗങ്ങള്‍ക്ക് കഞ്ചാവ് ഔഷധമാണെന്നിരിക്കെ രാജ്യത്ത് ചികിത്സാ ആവശ്യത്തിന് ഇവ നിയമവിധേയമാക്കണമെന്നും അവര്‍ പറഞ്ഞു.