ന്യൂഡല്‍ഹി: ബീഹാറില്‍ നിതീഷ്‌കുമാര്‍ ബി.ജെ.പിയുമായി ചേര്‍ന്ന് ഭരണത്തിലേറിയത് ഒരിക്കലും അംഗീകരിക്കാനാവില്ലെന്ന് ജെ.ഡി.യു നേതാവ് ശരത് യാദവ്.ബീഹാറിലെ തീരുമാനം ദൗര്‍ഭാഗ്യകരമായിപ്പോയി. ബീഹാറിലെ ജനങ്ങള്‍ വോട്ട് ചെയ്തത് ഇതിനുവേണ്ടിയായിരുന്നില്ല. ഈ തീരുമാനം എനിക്ക അംഗീകരിക്കാനാവില്ലെന്നും ശരത് യാദവ് പറഞ്ഞു. പാര്‍ലമെന്റിന് പുറത്ത് മാധ്യമങ്ങളോട് സംസാരിക്കുകയായിരുന്നു അദ്ദേഹം.

കഴിഞ്ഞ ദിവസം ട്വിറ്ററിലൂടെ ശരത് യാദവ് ബി.ജെ.പിക്കെതിരേ ശക്തമായ ആരോപണങ്ങളുന്നയിച്ചിരുന്നു. പനാമ രേഖകളില്‍ പേരുകള്‍ ഉന്നയിച്ചവര്‍ക്കെതിരേ നടപടിയെടുക്കാത്തത് എന്തുകൊണ്ടാണെന്നും വിദേശ രാജ്യങ്ങളില്‍ സൂക്ഷിച്ച കള്ളപ്പണം എത്രയാണ് തിരിച്ചുകൊണ്ടു വന്നതെന്നും അദ്ദേഹം ചോദിച്ചിരുന്നു.

ജെ.ഡി.യുവുമായി ആര്‍.ജെ.ഡിക്കുണ്ടായിരുന്ന മഹാസഖ്യം തകര്‍ത്തെറിഞ്ഞ് ബി.ജെ.പിയുമായി സഖ്യമുണ്ടാക്കിയ നിതീഷ്‌കുമാറിനെതിരേ നേരത്തെ തന്നെ ജെ.ഡി.യു നേതാക്കള്‍ ശക്തമായ അമര്‍ഷവുമായി രംഗത്തു വന്നിരുന്നു. ഇതിനു പിന്നാലെയാണ് ഇന്ന് വീണ്ടും ശരദ് യാദവും രംഗത്തുവന്നത്.