നെടുമ്പാശേരി: അനധികൃതമായി കടത്താന്‍ ശ്രമിച്ച 500 ഗ്രാം സ്വര്‍ണ മിശ്രിതം നെടുമ്പാശേരി അന്താരാഷ്ട്ര വിമാനത്താവളത്തില്‍ കസ്റ്റംസ് എയര്‍ ഇന്റലിജന്‍സ് വിഭാഗം പിടികൂടി. വ്യാഴാഴ്ച പുലര്‍ച്ചെ എയര്‍ ഇന്ത്യ വിമാനത്തില്‍ അബൂദാബിയില്‍ നിന്നെത്തിയ മണ്ണാര്‍ക്കാട് സ്വദേശിയായ യാത്രക്കാരനില്‍ നിന്നാണ് മിശ്രിതം പിടികൂടിയത്. നാല് പായ്ക്കറ്റുകളായി ശരീരത്തില്‍ ഒളിപ്പിച്ചാണ് മിശ്രിതം കടത്താന്‍ ശ്രമിച്ചത്. പിടികൂടിയ സ്വര്‍ണത്തിന് ഇന്ത്യന്‍ മാര്‍ക്കറ്റില്‍ ഏകദേശം 16 ലക്ഷം രൂപ വില വരും.